Alarmohet flota ruse e stacionuar në Krime. Sipas raporteve të agjencive ndërkombëtare, USS Donald Cook nga Flota e Gjashtë Amerikane ka kaluar ngushticën e Dardaneleve dhe po i afrohet ujërave të nxehta në Detin e Zi, aty ku po zhvillohet lufta e nervave mes Ukrainës dhe Rusisë.
Flota Ruse është vënë në gjendje gatishmërie dhe sipas deklaratave zyrtare ajo po e përcjellë me vëmendje të shtuar manovrimin e Flotës Amerikane.
Amerikanët e kanë bërë të qartë se USS Donald Cook është në mision të ruajtjes së paqes dhe interesave të Paktit NATO në rajonin e Detit të Zi.
