TË PANDREQSHËM DERI NË FUND!

21, Jan, 2018 | HISTORIA

SHKRUAN: KASTRIOT DERVISHI

Nuk është ndonjë zbulim i madh të themi se veshja e partizanit shqiptar është kopje e modelit të partizanit jugosllav. Elementët kryesorë të kësaj veshjeje ishin ylli i kuq komunist (që imagjinonte të kuqe 5 kontinentet e botës) dhe shalli qafor i po i kuq. Ideali i vetëm ishte Shqipëria e kuqe, “revolucioni popullor” që do shkallmonte rendin e vjetër (siç e shkallmoi) dhe që do ndërtonte me kosto të madhe njerëzore e materiale një eksperiment sovjetik tërësisht dështak. Një element tjetër që kopjuan komunistët e Shqipërisë nga komunistët e Jugosllavisë ishte shprehja përshëndetëse “vdekje-fashizmit, liri-popullit”. Madje kjo shprehje zu vend edhe në dokumentet zyrtare edhe shumë vjet pas luftës, pavarësisht se fashizmi kishte ngordhur e nuk kishte asnjë shans të ngjallej. Në historiografinë zyrtare të Partisë së Punës, asnjëherë nuk merrej në analizë origjina e shprehjes përshëndetëse jugosllave, ndërsa në filmat propagandistikë të regjimit, kjo përshëndetje është kudo e pranishme.
Bashkëlidhur një nga shkresat e Aleksandër Rankoviçit që dërgonte në Tiranë pas lufte.

Si i porosiste Rankoviçi ushtarët e tij në Tiranë (1946)

Telegrami i mëposhtëm është njëri nga të shumtët që tregon urdhrat që merrte udhëheqja komuniste e Shqipërisë nga Beogradi. Kur vinte puna te eshtrat e ushtarakëve anglo-amerikanë të varrosur në Shqipëri, edhe xhelati Rankoviç ishte më “human” se xhelatët tanë këtu.