PËRVJETORI I BOMBARDIMEVE TË NATO-s

24, Mar, 2016 | HISTORIA

Më 24 Mars 1999 filluan bombardimet e NATO-s në caqet e ushtrisë pushtuese serbomalazeze në Kosovë dhe Serbi. Për 78 ditë me radhë, forcat ajrore të Paktit Veriatlantik NATO të udhëhequra nga SHBA-të, u vunë tërësisht në mbrojtje të popullit shqiptar të Dardanisë antike. Bombardimet kanë përfunduar me miratimin e rezolutës 1244 të Këshillit të Sigurimit të Organizatës së Kombeve të Bashkuara. Si rezultat i akcionit mbrojtës ushtarak, ka pasuar largimi i turpshëm i forcave pushtuese serbomalazeze dhe hyrja triumfale e trupave të NATO-s. Fill më pas, pason kthimi i mbi 1 000 000 refugjatëve shqiptarë, të cilët ishin dëbuar më parë me dhunë nga ushtria pushtuese.

24 Marsi i vitit 1999, në tokën e shenjtë të Dardanisë do të mbahet mend brez pas brezi, si një datë kyqe në historinë e fillimit të akcionit ndërkombëtar për shpëtimin e shqiptarëve të Dardanisë nga dhuna gjenocidale e pushtuesit serbomalazez, argatëve të tij puçisto-komunist, të infiltruar përmes fondit “Vendlindja thërret” në Ushtrinë e tij Çlirimtare, si dhe shërbëtorët e trekëndëshit MOSKË – ATHINË – BEOGRAD, pushtetmbajtësit e atëhershëm të shtetit shqiptar, kryesisht eksponentë të Partisë Socialiste të Shqipërisë (ish- PPSH).