Viti 1992. Koha kur Don Shan Zefi kërkonte me ngulm që të rritet aktiviteti në mbështetje të Kosovës. Asokohe nuk ekzistonin rrjetet sociale dhe profilet e rrejshme nuk gjenin hapësirë. Po e ripërsërisim atë që është regjistruar në protokollin zyrtar nga fjala e Don Shan Zefit.
“Kosova ka shpallur shtet dhe kthim prapa nuk ka. Kisha Katolike e mbështetë me të gjitha mjetet realizimin e vullnetit të popullit tonë shqiptar. Ne po kërkojmë njohje dhe realizim të pavarësisë me politikë paqësore. Po e kërkojmë mbështetjen e gjithë botës demokratike. Për ne, kthim prapa ska. Prandaj, duke parë represionin e madh të policisë dhe shtetit pushtues në vendin tonë, ne duhet të përgatitemi për më të keqen dhe të shpresojmë që bota demokratike do ta dëgjojë zërin e kombit më të vjetër në kontinentin europian.”
