I MBËSHTES PËRPJEKJET E PRESIDENTËVE VUÇIQ E THAÇI

12, Nën, 2018 | POLITIKA NDËRKOMBËTARE

Paris, 11 Nëntor 2018

Gjatë manifestimeve të mbajtura në Paris, rreth dialogut Thaçi – Vuçiq është prononcuar edhe presidenti i Turqisë, Rexhep Tajip Erdogan. Në pyetjen e gazetarëve për gjasat e një marrëveshje të re mes liderëve të rajonit, ai është shprehur optimist se kjo marrëveshje do të arrihet.

I mbështes përpjekjet e presidentëve Vuçiq e Thaçi. Turqia nga ana e saj është e interesuar që në rajonin tonë të mbizotërojë paqja dhe për ketë jemi duke punuar e investuar në Serbi dhe në Kosovë. Siç e dini, në të kaluarën jo të largët, nuk kanë ekzistuar problemet e tilla mes shqiptarëve dhe serbëve. Për këtë çështje kam biseduar edhe me presidentin rus, Vladimir Putin, i cili po ashtu e ka shprehur mbështetjen e tij të fuqishme për dialogun. Ne besojmë se ka ardhur koha që të arrihet një marrëveshje, duke respektuar parimin e fitores së dyanshme. Assesi s’guxojmë të harrojmë, se shqiptarët dhe serbët kanë një trashëgimi të gjatë të bashkjetesës paqësore.