Shkruan: Prof. Blerim Latifi
Qëllimi i Serbisë nuk është thjesht Asociacioni i Komunave Serbe.
Është qëllim më ambicioz.
Është qëllimi i bosnjëzimit të Kosovës.
Problemi ynë është se këtë projekt ne po e kuptojmë veç në terma politiko-administrativ, e nuk po e shohim dot dimensionin kulturor të tij.
Serbia po investon shumë në bosnjëzimin kulturor të Kosovës.
Ndërtimi i qindra xhamive vahabiste në qendrat dhe hyrje-daljet e qyteteve e fshatrave të Kosovës është në funksion të këtij qëllimi: të duken shqiptarët jo si një komunitet sekular dhe me identitet kombëtar europian, por si një komunitet thellësisht fetar, me orientime identitare lindore, siç janë muslimanët e Bosnjes.
Kur të arrihet bosnjëzimi kulturor i Kosoves, atëherë bosnjëzimi politik i saj bëhet pothuajse i pashmangshëm.
Natyrisht krejt ky operacion, ky inxhiniering i madh, është duke u drejtuar nga shërbimet e inteligjencës serbe.
Intelektualët tanë heshtin, sepse janë frikacakë, disa janë të blerë e shumë të tjerë nuk janë në gjendje të kuptojnë se çfarë po ndodhë.
Për politikanët nuk ke se çfarë të thuash, veç faktit se atyre u intereson vetëm pushteti dhe votat, për të cilat janë në gjendje të bashkëpunojnë me secilin që ua ofron ato, pavarësisht se kush është ai dhe për çka angazhohet.
Këtu njerëzit nuk po arrijnë dot ta kuptojnë një fakt të thjeshtë: sa më shumë që ngrihen tempuj vahabistë anë e kënd Kosovës, aq më shumë rritet fuqia ndërkombëtare e Kishës Ortodokse Serbe në Kosovë dhe, rrjedhimisht, shtohen edhe zërat ndërkombëtarë në mbështetje të pretendimeve serbe në Kosovë.
Sot shërbimet inteligjente në botë nuk merren me eleminime sekrete të njerëzve, por me beteja ideologjike e kulturore, efekti politik i të cilave duket më vonë.
Kur kryeministri i Kosovës para se të bëhet kryeministër shkon dhe gjunjëzohet para varrit të Izetbegovicit s’ka se si ndodhë ndryshe!
Jeni shume i sakte profesor! Si eshte e mundur qe opozita qe nje pjese i kane rrenjet qe nga lufta, kthehet ne mafioze per pushtet?! Profesor! Kam nje keshille qe si pa dashje duke treguar dinjitetin shqiptare kosovare; mediat kosovare nuk e kane shpjeguar drejt se cili eshte faktori i brendshem dhe i jashtem qe percakton perfundimin e nje lifte! E keni corjentuar popullin e Kosoves me kete shpjegim, sa qe parteneret, duke dash te realizojne qellimet e tyre;Zgjerohen bythesh kur s’ju pelqen nje kriminister, dalin me tezen se kontraten e kemi me popullin e Kosoves dhe nga ana tjeter, kercenojne Albinin se po bie ne populizem! Ha, ha, ha, kjo eshte me qesh kethi! Une , kam baruar shkolle ushtarake, pra per te vrare njerze, natyrisht ne mbrojtje te vendit kunder okupuesve, por kurr se kam pare nje teze te tille ushtarake! Sado e madhe ndihma, ajo eshte vetem ndihme! Dhe ata qe e dhane kete ndihme, jo se iu djeg kerthiza, por te mvetsonin Kosoven qe ma shume u sherben interesave te tyre gjeopolitike, por ne kete rast me gjakun e saje fitoi edhe Kosova, qe doli ne vete si pune interesi! Faleminderit , ju pershendes une shqiptari, Mark Gjonaj!