TË NDALOHET MBËSHTETJA AMERIKANE PËR SHQIPTARËT

16, Dhj, 2018 | POLITIKA NDËRKOMBËTARE

Kryetarja e Fondit për Mbrojtjen e Lirisë Amerikane, Pamela Geller, e ripërsëriti kërkesën zyrtare drejtuar Administratës së Sheteteve të Bashkuara, duke i kërkuar asaj të rishqyrtojë mbështetjen amerikane për Kosovën në veçanti, por dhe për shqiptarët tjerë në përgjithësi.

Rekrutët më besnik të ISIS janë shqiptarët me prejardhje nga Kosova, Maqedonia dhe Shqipëria. Ka ardhur koha që Administrata e Shteteve të Bashkuara t’a revidojë vendimin e gabuar të Presidentit Clinton, duke i tërhequr mbështetjen shtetit islamik të Kosovës. Ky vend, që nga dita e dhurimit të lirisë nga SHBA-të ka degraduar tërësisht, dhe sot na paraqitet si Kandahar në mes të Evropës. Gabimet e Presidentit Clinton janë identike me gabimet e Presidentit Carter. Përderisa Presidenti Carter solli në pushtet Ajatollahët, Presidenti Clinton formoi shtetin e parë islamik në Evropë. Kërkojmë që Administrata e SHBA-ve të reflektojë dhe të angazhohet seriozisht në procesin e korrigjimit të këtij gabimi, duke i dhënë mbështetjen e duhur Serbisë në raport me ekspansionin islamik të shqiptarëve.