Rama: Sa më shumë refugjatë, aq më shumë në pushtet

Shkatërrimi i qeverisjes po detyron Edi Ramën të kthejë sytë nga destabilizimi rajonal, si e vetmja mundësi për të zgjatur pushtetin e vet. Saimir Tahiri po shkon lart e poshtë nëpër Evropë, duke kërkuar fonde për ta shndërruar vendin në një kamp masiv refugjatësh, ndërkohë që kryeministri po kërkon marrëveshje dypalëshe me Greqinë për transferimin e shpejtë të 20 mijë refugjatëve sirianë në Shqipëri. Vendimi për pranimin e mijëra refugjatëve sjell destabilizimin afatgjatë të vendit, prandaj kjo vendimmarrje duhet konsultuar me shqiptarët, jo të shndërrohet në monedhë kusuri për pushtetin e Edi Ramës

Edi Rama po përdor një krizë humanitare për ta shndërruar në një stabilitet politik për pushtetin e tij. Saimir Tahiri po shkon lart e poshtë nëpër Evropë, duke kërkuar fonde për ta shndërruar vendin në një kamp masiv refugjatësh, ndërkohë që kryeministri po kërkon marrëveshje dypalëshe me Greqinë për transferimin e shpejtë të 20 mijë refugjatëve sirianë në Shqipëri. Shkatërrimi i qeverisjes po detyron Edi Ramën të kthejë sytë nga destabilizimi rajonal, si e vetmja mundësi për të zgjatur pushtetin e vet. Vendimi për pranimin e mijëra refugjatëve sjell destabilizimin afatgjatë të vendit, prandaj kjo vendimmarrje duhet konsultuar me shqiptarët, jo të shndërrohet në monedhë kusuri për pushtetin e Edi Ramës.

Për të ruajtur qeverisjen e tij kriminale, Edvini po e jep vendin me koncesion për kampe dhe po vë maskën e “dados” së refugjatëve për t’i hedhur hi syve të ndërkombëtareve për lidhjet e tij kriminale. Përballë kësaj krize që ka kapërcyer kufijtë e Lindjes së Mesme duke u bërë një krizë evropiane dhe botërore, kontributi i Shqipërisë është mëse i çmuar. Megjithatë, një vendim i tillë i këtyre pamasave kërkon një diskutim më të gjerë publik që shkon përtej fjalës së kryeministrit, pra duke u çuar edhe në Kuvend. Kjo transparencë merr një rëndësi edhe më madhe përballë kapacitet ekonomik të vendit, ku si pasojë e qeverisjes së Ramës po dalin jashtë skemës së asistencës ekonomike me qindra familje shqiptare. Por, si gjithnjë tek Rama fshihet një kurth. Ai po tenton të shfaqet si shpëtimtar i refugjatëve sirianë për të mbuluar lidhjet me krimin dhe mega-korrupsionin qeveritar. Me pak fjalë, ai pandeh se mund të negociojë me Bashkimin Europian qëndrimin në pushtet në një kohë të shtimit të deklaratave të ambasadorëve të huaj se qeveria rrezikon të bien nga mbipesha dhe overdoza e krimit. Qartazi, sa herë karrigia e tij është në rrezik, ai shqipton gënjeshtra të kalibrit ndërkombëtar, me shpresë se do të dalë nga izolimi e do të mund të shtyjë edhe për pak kohë revoltën popullore. Vjet e provoi me ultragënjeshtrën e armëve kimike, kurse sivjet, pa ia kërkuar njeri, po ofrohet të strehojë çdo refugjat sirian që s’e pranon Greqia apo Maqedonia. Çmenduria e kryeministrit, që ka çuar në ekzil 70 mijë shqiptarë dhe kur aplikacionet për lotarinë amerikane kanë kapur shifrën e frikshme prej 200 mijë shqiptarëve, po i ofron vendin një tjetër bombë njerëzore, me një rrezikshmëri edhe më të lartë sesa ngarkesat e vjetshme me armë kimike.

Qasja e Ramës nuk është humanitare, porse një qasje meskine politike. Ndryshe nga armët kimike të Sirisë, të cilën e përdori në funksion të narcizmit të vet për të qenë një lider botëror, krizën e refugjatëve sirianë ai po e përdor për interesa politike. Edvini thotë: unë i pranoj refugjatët, ama më lejoni të mbaj pushtetin tim të inkriminuar.

Gazeta55