Rama do leje për të vjedhur edhe 1 vit

Edi Rama nuk e ka parë kurrë dritën e një katërvjeçari, ai madje edhe shkollën e ka 3 vjeçare. Në përpjekje për të ndalur presionin qytetar për qeveri teknike, si garant për zgjedhje të lira dhe të ndershme, Edvini hodhi një glasë-shkrimi në facebook ku njoftoi se ka ndërmend të vjedhë edhe për 1 vit të tjera. Koha është relative dhe 1 vit të tjera me Ramën përbëjnë një milenium vjedhjeje për shqiptarët. Në tre vitet e qeverisjes kemi parë vjedhje me shifra prej qindra milionë euro, që për takatin e Shqipërisë janë shkatërruese për ekonominë.

Se pse Rama nuk duhet të shohë dritën e mandatit katër vjeçar, kjo shihet tek sytë dhe fytyrat e shqiptarëve. Xhepat janë bosh, frigoriferët  janë bosh, bizneset po mbyllen, investitorët e huaj po largohen, korrupsioni është ngritur në sistem, krimi është shndërruar në qeveri, hashashi ka shkuar blerim mbuluar në të gjithë territorin…me pak fjalë gjithçka është kthyer përmbys. Fytyrat e vrenjtura të shqiptarëve nga depresioni ekonomik janë një “referendum” pro qeverisë teknike. Tanimë është e vërtetuar nga raportet e OSBE-ODIHR-it se me Edi Ramën nuk ka zgjedhje të lira dhe të ndershme. Me Edvinin ka banda nëpër rruge, ka blerje votash, vrasje dhe kërcënime. Zgjedhjet e Ramës janë si zgjedhjet e Assad-it në Siri. Ai nuk duhet të lejohet që të bëjë rotacion me veten, porse rrota e rotacionit duhet ta zejë poshtë, ashtu siç i zë qeveritë kriminale dhe banditske.

Kuisja e Ramës për të zgjatur zgjatur edhe me 1 vit vuajtjet dhe varfërinë e shqiptarëve duhet të “zhurmohet” nga presioni qytetar për qeveri teknike dhe zgjedhje të lira dhe të ndershme. / Gazeta55