Presidenti Trump, mbështetje për Ballin Kombëtar Demokrat

21, Nën, 2016 | POLITIKA KOMBËTARE

Zgjedhja e Donald Trump në postin e Presidentit të radhës në SHBA, ka shkaktuar një tërmet të paparë politik te Internacionalja Socialiste dhe te degët e saj të shpërndara kudo, e sidomos te partitë kolaboracioniste të Rusisë dhe Serbisë në Shqipëri e Kosovë, shtete këto që ende nuk kanë shfaqur interesim serioz për t’i dënuar krimet e komunizmit, ashtu siç e parashohin Rezolutat 1096 dhe 1481 të Asamblesë Parlamentare të Këshillit të Evropës.

Këshilli Koordinator i Ballit Kombëtar Demokrat konstaton, se refuzimi institucional për t’u ndarë nga e kaluara dhe e tashmja kriminale nuk i shërben Shqipërisë, Kosovës dhe shqiptarëve, sepse Bota Demokratike i përbuzë skajshmërisht të drejtat e shteteve që drejtohen nga “kumandirat” e rilindur të ideologjisë komunjare, kanabiste, kulake dhe nga telekomandot revolucionare të realizmit socialist.

Shqiptarët tashmë janë vetëdijësuar dhe e kanë kuptuar se Shqipëria e Kosova nuk mund të gjejnë mbështetjen e nevojshme te administrata e re e Shteteve të Bashkuara të Amerikës, nëse shoqëria jonë nuk largon njëherë e përgjithmonë nga pushteti dhe administrata shtetërore asetet e së kaluarës kriminale komuniste dhe nëse historia jonë kombëtare nuk dënon ligjërisht “mësimet” e atyre që falsifikuan Deklaratën e Pavarësisë së Shqipërisë etnike, kuadro këto që dekoruan si heronj të shtetit shqiptar Milladin, Dushan, Tito e Rankoviq,

Fitorja e Donald Trump, nëse e përjashtojmë reakcionin dhe kërkesën kriminale socialiste për rikthim te bunkerizmi, izolimi, internimet dhe dënimet, i hapi rrugën Shqipërisë dhe shqiptarëve për t’a bërë Shqipërinë e Madhe, ashtu siç ne dëshirojmë ta shohim edhe Amerikën e Madhe, të fortë dhe të respektuar në arenën ndërkombëtare.