Shkruan: Dr. Ilir Hysa
Bandat-parti të Katovicës dhe historucët servilë të tyre nën orkestrimin e Pëllumb Xhufit e Paskal Milos janë vërshuar edhe një herë në një fushatë denigruese e të pacipë ndaj shqiptarëve të mirë e që u bënë therorë të kriminelit Mehmet Shehu gjatë luftës civile në Shqipëri në kohën e Luftës së Dytë Botërore. Larot e oborrit po kryqëzojnë Presidentin Nishani për dekorimin e 67 ballistëve të vrarë në Matjan të Lushnjes nga komunistët shqiptarë. Larot e etërve kriminalë, përfshirë Kryeministrin Rama duken të shqetësuar nga ky vendim. Për ironi, ata nuk dukeshin aspak të trazuar as kur prifti grek Janullatos emërohej në krye të Kishës Ortodokse Autoqefale Shqiptare dhe as kur ai dekorohej nga Presidenti i Shqipërisë.