MSH TË SIGUROJË SA MË SHPEJT APARATURAT PËR PLAZMËN HIPERIMUNE QË SHPËTON PACIENTËT ME COVID

10, Gus, 2020 | POLITIKA KOMBËTARE

Presidenti Ilir Meta, inkurajon autoritetet shëndetësore në vend që të implementojnë sa më shpejt terapinë me plazmë imune që ka rezultuar e dobishme te pacientët me Covid-19.

Nisur nga informacionet përgjithësisht pozitive lidhur me terapinë me plazmë hiperimune (konvaleshente) dhe për shkak se aplikimi i saj ka rezultuar mjaft i dobishëm për pacientët me COVID-19, inkurajoj të ecet sa më shpejt me këtë terapi, duke siguruar së pari të gjitha aparaturat që bëjnë të mundur aplikimin e saj.

Në këtë situatë, është shumë e rëndësishme të kërkohet ndihmë nga Italia për asistimin me specialistë, si një vend me eksperiencë të spikatur për vënien në zbatim të këtij protokolli.

Kjo do të mundësonte jo vetëm një aplikim të sukseshëm dhe zbatim strikt dhe shkencor të këtij protokolli, por dhe do evitonte çdo lloj pasaktësie e pasigurie, që mund të verifikohet në praktikë.