Meshë dhe koreodramë për Gjergj Kastriotin – Skënderbeun në Katedrale

Ipeshkvia Prizren-Prishtinë, këtë të shtunë, më 10 nëntor 2018, organizon meshë dhe koreodramë për Gjergj Kastriotin – Skënderbun në Katedralen Shën Nënë Tereza në Prishtinë, në kuadër të shënimit të Vitit Jubilar 550-vjetorit të kalimit në amshim të Gjergj Kastriotit – Skënderbeut.

Programi:

Ora 11:00: Mesha e shenjtë në Katedralen Shën Nënë Tereza, të cilës do t’i prijë SH. T. Imzot Dodë Gjergji, ipeshkëv i Dioqezës Prizren-Prishtinë, në koncelebrim me meshtarë, rregulltarë, me pjesëmarrje të rregulltareve, besimtarëve dhe njerëzve vullnetmirë.

Pas meshe (rreth orës 12:00) do të bëhet inaugurimi i mozaikut të Gjergj Kastriotit – Skënderbeut, i cili është i vendosur në këmbanarën e Katedrales.

Ora 12:30: Koreodramë mbi Gjergj Kastriotin – Skënderbeun, nga koreografi Xhemal Berisha, nën interpretimin e Ansamblit Arbëresha (Misioni Katolik Shqipar Sirnach – CH). Në këtë shfaqje do të ndodh një takim i Gjergjit Kastriotit me Nënë Terezën.

Koreodrama mbahet në Sallën e Qendrës “Pjetër Bogdani”, e cila gjendet në ambientet e Katedrales. Ju mirëpresim!

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

error: E drejta e autorësisë i përket autorëve! Ju lutemi për mirëkuptim.