ME KRIMINELËT NË PUSHTET, TALEBANËT NË XHAMIA, MARKSISTËT NË UNIVERISTETE, S’BËHET DOT SHQIPËRIA

POLITIKA KOMBËTARE

SHKRUAN: SEFEDIN KRASNIQI

Bardhyl Mahmuti : « Jepuni pushtetin klerit religjioz dhe do të shihni sa tolerant janë ».

Në Republika Shqip, e lexove sloganin e sipërm të Bardhyl Mahmutit. Posa e lexova emrin e Bardhyl Mahmutit, mu kujtua një profesor i imi, më vonë edhe i Bardhylit, sesi Bardhyli i kishte kërkuar t’ia falte një notë në emër të burgut që kishte mbajtur (1981). Mu kujtua Bardhyl Mahmuti i Zvicrës sesi fliste me shumë dëshire dhe krenari për Enver Hoxhën. Mu kujtua Bardhyl Mahmuti sesi ia mbyllnin derën LDK e Chablais (Zvicër) dhe shpesh edhe ia shanin * sa herë fillonim me përgatitjen e festave kombëtare-sidomos Festën e Flamurit Kombëtar. Mu kujtua Bardhyl Mahmuti i LPK-së. E kjo LPK në çdo mbledhje apo tubim të shqiptarëve në Diasporë, betohej se do ta çlirojnë Kosovën dhe viset shqiptare nën Jugosllavinë e Titos ! Edhe e kanë çliruar!!! Ia kanë luajt nanën!!! Mu kujtua kur Shukri Klinaku erdhi në Friburg të Zvicrës ta promovojë LKÇK-në, të cilit ia mori fjalën Bardhyli dhe në fjalimin e vet e ngriti në qiell Fatos Nanon, e pastaj pështyu shumë shkumueshëm mbi Sali Berishën. Pasi e mbaroi fjalimin Bardhyli, ia dhënë fjalën Fatmir Limajt. Fatmir Limaj gjoja « e kishte mandatin të fliste në emër të UÇK-së », sepse « kishte ardhur i freskët nga Kosova », foli me shumë mburrje dhe duke mbajtur shikimin vazhdimisht kah Bardhyli, e përfundoi fjalimin me këtë betim » në UÇK nuk mund të futet askush nëse paraprakisht nuk anëtarësohet në LPK » (Lëvizja Popullore e Kosovës)! Më kujtohet që me pak hezitime ma dhanë fjalën edhe mua. Dola, dhe pas përshëndetjes që i bëra Klinakut që ishte « harxhuar » të vinte të na njoftojë, thirra me zë sa munda « Rroftë UÇK » ! Duke u kthyer në vend, Bardhyl Mahmuti më tha, «t’u thaftë goja që nuk thirre : Rroftë edhe LPK » !? Jo, i thash, unë e di që LPK nuk është UÇK dhe isha i sigurt, sepse kisha informacione të sigurta për këtë. Megjithatë, duhet të jem i sinqertë, kurrë nuk kam besuar se Guerilja e Kosovës e udhëhequr nga Adem Jashari, Zahir Pajaziti dhe Salih Çekaj do të bie nën kthetrat e LPK-së. Edhe pse Guerilja e Salih Çekajt shpëtoi disi nga këto kthetra të LPK-së, falë zgjuarsisë dhe patriotizmit të Salih Çekajt, i cili u shkri në ministrinë e Mbrojtjes, të udhëhequr nga Ahmet Krasniqi, megjithatë shumçka që vlente, e mori pusi!

Në konglomeratin e kujtimeve të shumta (asnjë pozitive) që kam për Bardhyl Mahmutin, mu kujtua një moment shumë tronditës kur një person (pjesëtar i familjes) më telefonoi nga Suedia dhe më pyeti a e njihja Bardhyl Mahmutin ? Pasi ia konfirmova dhe u interesova për çka ishte fjala, më tha që Bardhyli Mahmuti paska folur para masës së shqiptarëve në Mallmö dhe Copenhagen, në cilësinë e zëdhënësit të UÇK-së, dhe pasi dikush e kishte pyetur, paska thirrë me zë të lartë ; « do ta vrasim Ahmet Krasniqin ». Madje, thirrjen e tij makabre e paska përsëritur, për të qenë më bindës. Pasi informata vinte nga një njeri i besueshëm, u interesova dhe kuptova se Bardhyli, bashkë me Hydajet Hysenin, për shtetet skandinave, nga Tirana, kishin fluturuar me aeroplan.

Ahmet Krasniqin pa u mbushur mirë 24 orë, padronët e Bardhyl Mahmutit, e kanë vra në Tiranë më 21 shtator 1998, rreth orës 23 :30 minuta. Bardhyli duhet të jetë i lumtur dhe krenar që ia ka dal ta lajmërojë këtë vrasje dhe e cila u pasua me shumë vrasje tjera politike, gjatë dhe pas luftës. Por, Bardhyl Mahmuti duhate ta dijë se na ka borxh me shokët evet marksistë që sot janë veshur me petkun e demokratëve.
Sot Bardhyli thotë : « Jepuni pushtetin klerit religjioz dhe do të shihni sa tolerant janë ». Unë ju them se lëvizjet e telebanë janë sikur Lëvizja Popullore e Bardhyl Mahmutit, për idealet e tyre antikombëtare të vrasin të dyja palët.

Nga LPK e Bardhyl Mahmutit, tashmë dihet, që kanë dalë shumë kriminelë (së paku ekonomik) sespe vet Bardhyli që ka jetuar me ndihma sociale dihet çfarë pasurie ka vetëm në Prishtinë.

Nga LPK e Bardhyl Mahmutit ka edhe profesor nëpër fakultete të universiteteve të Kosovës dhe shumica janë me nota të falura e diploma të blera. E keqja shtesë është se të gjithë janë demokratë të rrejshëm, sikur Bradhyl Mahmuti, sepse janë bijë të betuar të marksizëm-leninizmit dhe dishepuj të papërmirësueshëm të Enver Hoxhës!

Kur t’ia shtojmë kësaj race edhe talebanët e Kosovës, jam i bindur dhe ju siguroj se me kriminelë në pushtet, me talebanë në xhamia e me marksistë në universitete, nuk bëhet dot Shqipëria.

1 koment te “ME KRIMINELËT NË PUSHTET, TALEBANËT NË XHAMIA, MARKSISTËT NË UNIVERISTETE, S’BËHET DOT SHQIPËRIA

  1. Propaganda e rreme e mediave komuniste, ka një efekt të keq për shqiptarët. Si shejtani për njerëzit, Te disa ndikon më shumë te disa më pak.!
    Sadik Jashari

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *