Jemi të shokuar me ngjarjet në Munih

Të dashur qytetarë,

Jemi të shokuar nga ngjarjet që kanë ndodhur mbrëmë në Munih, ku humbën jetën shumë njerëz të pafajshëm, në mesin e të cilëve edhe tre të rinj shqiptarë. Në emër të Qeverisë dhe të Popullit të Kosovës, i kam shprehur ngushëllimet më të sinqerta familjeve të tre të rinjve shqiptarë dhe familjarëve të të gjitha viktimave në këtë sulm tragjik. Gjatë ditës së sotme, i kam dërguar një telegram ngushëllimi edhe Kancelares Gjermane, Angela Merkel, duke i shprehur solidaritetin e qytetarëve dhe të Qeverisë së Kosovës me popullin dhe Qeverinë Gjermane, në këto momente të vështira.Po ashtu, jemi në kontakt të vazhdueshëm me Ambasadën e Kosovës në Berlin dhe Konsullatën në Munih, për zhvillimet tjera.Populli i Kosovës bashkëndjen plotësisht dhimbjen me të gjithë familjarët e viktimave dhe lutet për shërimin e të plagosurëve.