Ishin më pak se 19 mijë partizanë, por u vranë 28 mijë!

Sa herë referohen shifrat e regjimit komunist duhet të kesh kujdes nga manipulimet e ndodhura aty.  Këta gënjeshtrën dhe mashtrimin e kanë pasur në gjak.

Kryegënjeshtra që e mbrojnë edhe sot, sepse nuk mund të rrinë asnjëherë pa gënjyer e mashtruar, është shifra e “28 mijë dëshmorëve”.

Sado që nuk i dalin për zot me asnjë lloj justifikimi, prapë nuk heqin dorë së gënjyeri. Mirëpo, në “Fjalorin Enciklopedik Shqiptar” botuar në vitin 1985 nga Akademia e Shkencave, në faqet 115-122, gjendet informacione mbi brigadat komuniste e numrin e partizanëve.

Të gjitha shifrat janë të tejzmadhuara e nuk i përgjigjen asnjë realiteti. Megjithatë, le t’i pranojmë e të bëjmë një llogaritje. Nga numërimi i shifrave të dhëna për brigadat, në të cilat shihet se mungojnë ato me numrat 13, 21 dhe 26, del një shumatore prej 18.121 partizanësh.

Po të shtojmë me sondazh p.sh. 800 të brigadës që nuk ka shifra dalin 18.921 partizanë.

Atëherë, i bie që ushtria “e lavdishme” është vrarë e gjitha dhe ka marrë borxh edhe mbi 9 mijë të tjerë.

Lista e brigadave komuniste sipas datës së formimit dhe numrit të partizanëve

-Brigada e 1-rë, 15.8.1943, 556 partizanë

-Batalioni “Antonio Gramshi” 137 partizanë italianë

-Brigada e 2-të, 28.11.1943, 450 partizanë

-Brigada e 3-të, 9.10.1943, 379 partizanë

-Brigada e 4-rt, 28.12.1943, 550 partizanë

-Brigada e 5-të, 20.1.1944, 960 partizanë

-Brigada e 6-të, 26.1.1944, 912 partizanë

-Brigada e 7-të, 17.3.1944, 420 partizanë

-Brigada e 8-të, 25.4.1944, 850 partizanë

-Brigada e 9-të, 16.10.1944, 1498 partizanë

-Brigada e 10-të, 6.11.1944, 1225 partizanë

-Brigada e 11-të, 1.11.1944, 1200 partizanë

-Brigada e 12-të, 20.5.1944, 650 partizanë

-Brigada e 14-të, 17.8.1944, 559 partizanë

-Brigada e 15-të, 29.6.1944, 750 partizanë

-Brigada e 16-të, 20.8.1944, 465 partizanë

-Brigada e 17-të, 26.9.1944, 700 partizanë

-Brigada e 18-të, 18.8.1944, nuk ka info

-Brigada e 19-të, 30.8.1944, 800 partizanë

-Brigada e 20-të, 9.9.1944, kishte 800 partizanë

-Brigada e 22-të, 18.9.1944, 1100 partizanë

-Brigada e 23-të, 21.9.1945, 700 partizanë

-Brigada e 24-t, 4.10.1944, 560 partizanë

-Brigada e 25-të, 6.11.1944, 700 partizanë

-Brigada e 27-të, 29.11.1944, 1200 partizanë