GRUSHTI I SHTETIT TË EROGANIT QË NA BËRI MIRË

Sefedin Krasniqi

Tashmë u kuptua nga gjithë bota se grusht shteti në Turqi u inskenua nga vetë Erdogan. Edhe amerikanët dhe rusët e kanë ditur që nga fillimi. Komisionieri Hahn tregoi hapur se listat, kush do të burgosej, ishin punuar me kohë. Edhe imamët e kanë ditur dhe vetëm kanë pritur fjalimin e Erdoganit për t’i ndezur altopalantët e minareve të xhamive për t’i transmetuar lutjet trishtuese të mortit. Imamët edhe sëpatat i kishin përgatitur dhe pa mëshirë iu prenë kokat « ushtarëve puçistë » nëpër rrugë duke bërtitur « Allahu Akbbar dhe duke u betuar në xhihad ». Edhe CNN-i turk ishte zgjedhur nga ku do t’i drejtohej popullit Erdogan. Edhe gazetarja me shije të shishme në telefonin e së cilës do të fliste Erdogani me FaceTime, fjalët e tij i përcillte në shenjë pohimi duke lëkundur kokën. Gazetarja ka pranuar që është shpërblyer me 250’000 euro për « telefonatën e lisrisë », që në të vërtetë është telefonata e mallkimit ! Me prerjen e kokave të « ushtarëve puçistë », që u pasua me arrestimet dhe pastrimet në ushtri, gjyqësi, polici, arsim, e që do të pasojë në shëndetësi duke prekur edhe bujqit, blegtorët, druvarët, berberët dhe lustraxhinjtë e këpucëve, Erdogani po ia bënë, me shpejtësi, gropen veti.

Nëse vazhdon me këtë ritëm pastrimin dhe prerjen e kokave sipas kërkesës së Putinit, si kundërpërgjigje, Perëndimi do t’iu jep mbështetje kurdëve dhe do të lind Kurdistani i pavarur. Kurdët janë të gatshëm të sakrifikohen deri në pikën e fundit të gjakut për shtetin e tyre. Ata janë të ndarë në katër shtete si shqiptarët dhe janë jo më pak se 20 milion.

Jeniçerët shqiptarë të Erdoganit të trojeve shqiptare

Por, puçi i Erdoganit na bëri mirë ne shqiptarëve për një punë. Jeniqerët vullnetarë shqiptarë (muslimanë) të Erdoganit dolën mbi sipërfaqe sikur këpurdhat pas shiut. U identifikuan me shumë krenari dhe arrogancë dhe krejt në stilin e prindërve apo gjyshërve të tyre marksistë leninistë, të dikurshëm ! Dikush shqeu diplomat e Gülenit (Shkup), dikush u paraqit si jeniçerë vullnetarë (Luginë të Presheves) për të shkuar në mbrojtje të Erdoganit. Edhe në Shqipëri dhe Kosovë nuk munguan jeniçerët e Erdoganit pa lëshuar jargë në krye me Shefqet Krasniqin e mexhanëve të Sibovcit të Obiliqit, ku, siç kam thënë një ditë, s’ka as nuk ka pasur kurrë xhami. Sidomos, jeniçerët shqiptarë vullnetarë (muslimanë) i kanë çmend rrjetet sociale duke u lutur për shëndetin e vëllait të madh të tyre Erdogan dhe duke sharë e mallkuar çdokë që ka guxuar të shpreh mendimin lirshëm për të treguar dinakërinë e Erdogan-it. Kanë hapur edhe profile të reja me emra të sajuar me domethenie dhe kuptime turke.

Shumë i zënë me Reformen në Drejtësi, Rama nuk harroi t’i çojë fjalë Vëllait të Madh (shoferit personal) se iu dogj shpirti për të dhe që ndihej i lumtur dhe me fat që ka shpetuar kokën, edhepse nuk e kishte pasur ne rrezik. Udhëheqësit e Shqipërisë, të gjithë i kanë vëllezër: ish-jugosllavët, rusët, kinezët, turqit, etj. Vetëm shqiptarët e Kosovës i kanë miq. S’kanë faj. Janë duke e çuar në vend me devotshmëri amanetin e kurvit.

Udhëheqësit e shtetit të Kosovës u prononcuan, por në mënyrë stereotipe dhe të lodhtë-pa asnjë ndjenjë vëllazërore (nga frika !). Madje, Thaçi befasoi, nuk i tha Erdoganit as vëlla i madh as i vogël. As që ia përmendi emrin fare.
Ramush Haradini u deklaru haptas që s’e ka vëlla Edoganin sepse Erdogani nuk ështe shqiptar dhe pikë. Kjo është burrëri. Ramushi edhe më parë u ka thënë jeniçerëve të Erdoganit dhe të tjerëve se nuk i ka vëllezër ata që në Kosovë e sollën vehabizmin me ndihmen serbo-ruse dhe të do shteteve arabe që në Kosovë, Maqedoni dhe Shqipëri ndërtojnë vetëm xhamia e në Serbi kanë investuar në ndërtimin e Beogradit nën ujë. Ky kurrë s’ka koketuar me jeniçerët vullnetarë shqiptarë për vota apo për ta rritur partinë !

Ndërsa, Albin Kurti është duke ia përgatitur fjalimin Visar Ymerit, në mungesë të vëllezërve sijamez nga shteti « Amë » !

Çka duhet të kuptojnë jeniçerët shqiptarë të Erdoganit dhe vetë vëllai i madh i tyre ?

Jam i sigurtë që në ditët në vijim, do të mundohen të shkaktojnë ndonjë bela në Shqipëri, Kosovë apo në Maqedoni. Fati i shqiptarëve është Kosova e lirë, të cilën dihet kush e ka çliruar nga Serbia pas 2000 vjete robëri. Jeniçerët vullnetarë shqiptarë dhe vetë Erdogan duhet ta dinë se Kosovën e ka çliruar SHBA dhe BE dhe gjaku i shqiptarëve. Duhet ta dinë se Gjermania për herë të parë që nga LDB e ka angazhuar ushtrinë e vet në operacione luftarake, pikërisht në Kosovë. Një tentim destabilizimi i cilësdo pjesë nga trojet shqiptare, reagimi i shqiptarëve muslimanë, por që janë sëpari shqiptarë, do të jetë i fuqishëm. Kurrë nuk do të lejojnë që ndokush, kushdo qofshin ata, të organizojnë prerjen e kokave pjestarëve që janë të autorizuar të kujdesen për qetësinë e shqiptarëve në trojet e veta, sikur që bënë imamët e Erdoganit mbi urën e Bosforit. As SHBA e BE nuk kanë investuar miliona e miliona euro në Kosovë për t’i hapur rrugën ndonjë neo-perandorie osmane të projektuar me kutin e Erdoganit. Dhe, shqiptarët nuk kanë derdhur gjak për një okupim të ri ! Mbrojtja e vlerave që i kemi krijuar me mund, kësaj radhe, u takon shqiptarëve muslimanë, por që me shpirt ndihen se vëllezërinë e kanë nga gjaku e jo nga feja. Ky është virtyti më i shenjtë dhe detyra më patriotike në këtë kohë çmendurie fetare.

Sentenca e grusht shtetit të Erdoganit dhe Ilir Shaqiri

Dy gjeneralëve jeniçerë nga Kosova; njëri boshnjak që e sulmoi Erdoganin (gjeneral Adem Huduti) nga Reçica e Prizrenit dhe jeniçeri tjetër që e mbrojti Erdoganin (gjeneral Umit Dunda) me origjinë nga Prizreni do t’iu kushtojë një këngë Ilir Shaqiri !