Të premten më 10 Qershor 2016 zhvillohet ndeshja e parë e Kampionatit Europian të Futbollit. Në stadiumin Stade de France të Saint Denis, nikoqiri i këtij kampionati Franca ballafaqon forcat me kombëtaren e Rumanisë. Në grupin e njëjtë me Francën dhe Rumaninë garojnë edhe kombëtaret e Zvicrës dhe të Shqipërisë, ballafaqimi i të cilave ngjallë emocione të veçanta te të gjithë shqiptarët, kudo që ata ndodhen. Djemtë Kuq e Zi, në këtë kampionat do të paraqiten me fanela të dizajnuara enkas për Europianin 2016, në brendësinë e të cilave është shkruar: “Ti Shqipëri më jep nderë.”
