Edi Rama është ndotja më e madhe kulturore dhe morale që po konsumohet çdo ditë në Shqipëri

SHKRUAN: INDRIT VOKSHI

I telefonova sot në drekë mikut tim Tomor Alizoti, për t’i shprehur komplimenta për debatin e mbrëmshëm me kryeministrin e Shqipërisë!

Pse? Nuk tha asgjë fantastiko-shkencore Tomor Alizoti. Ai thjesht mbajti qëndrim simbolik dhe dinjitoz, atë qëndrim që shumë persona në studiot televizive dhe në parlament nuk po e mbajnë. Se po të kishte ky vend pesë vetë që ia dinë pasuordin Edi Ramës, Rama do të ishte çmendur ose do të kishte mësuar të fliste si njeri.

Edi Rama e ka zyrtarizuar banalitetin në komunikimin publik. Edi Rama është ndotja më e madhe kulturore dhe morale që po konsumohet çdo ditë në Shqipëri, në nivel të lartë shtetror. Mret i vulgaritetit. Eshtë një landfill i madh ku digjen plehërat, sepse ky përfaqëson të gjithë njerëzit e frustruar që duan vetëm urrejtje e sharje dhe, ky me bujari e pa përtesë i merr dhe i djeg publikisht frustrimet e tyre.

Çdo personi që e kundërshton direkt, ky njeri i gjen një epitet, e shan, e shpërfill, ndot veshët dhe mendjet e njerëzve. Ky nuk ka lidhje kërkund me normat e edukatës qytetare dhe politike, nuk ka lidhje me personalitetin e të qenit burrë.

Një kryeministër, vetvetiu duhet të jetë njeri i lartë, njeri që respekton pyetjet deri edhe provokuese të gazetarëve dhe debatuesve. Njeri që respekton demokracinë, lirinë, zakonet e mira dhe sillet me elegancë. Ky Edi Rama sillet si ai 18 vjeçari në rrebelim hormonal i cili synon të duket i fortë dhe interesant përmes budalliqeve, ndërkohë që është analfabet, kjo pasi s’ka mënyrë tjetër për ta tërhequr vëmendjen e klasës së gjimnazit.

Këtij i duhet përgatitur një skuadër gazetarësh dhe deputetësh që të merren vetëm me të, sa herë ky të thotë kazan, tepsi, llum e çfarë thotë, të mbahen fjalime psikanalitike, tallëse dhe poshtëruese për të. Aq sa të heshtë ose të çmendet.

Nuk duhet ta durojnë shqiptarët ketë nivel kuluror në drejtim!

 

1 komente te “Edi Rama është ndotja më e madhe kulturore dhe morale që po konsumohet çdo ditë në Shqipëri

  1. Ne tubimin e perbashket te qeveritarëve te Shqipëris dhe të kosovës Edi Rama pleh nder te tjera tha: Ata të cilet e quajn Hashimin trathtarë, janë gomarë. Derisa Ministri i financave te Shipërisë paraprakisht ne takimin e homologut te tij nga Srbia e kishte kritikuar futje e taksave 100% të kryeministrit tete Kosovës Ramush Haradnaj. Une themë se perdrisa në shqipëri dhe ne Kosavë,e udheqin Shqiperin dhe Kosoven. kurr nuk dote jemi të barabart më shtetët evropiane.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

error: E drejta e autorësisë i përket autorëve! Ju lutemi për mirëkuptim.