DEKLARATE PER SHTYP

13, Gus, 2016 | POLITIKA KOMBËTARE

Sot, Partia e Ballit Kombëtar Demokrat nëpërmjet kryetarit të saj z.Artur Roshi, doli në një deklaratë për shtyp në lidhje me zgjedhjet e pjeshme lokale në qarkun e Dibrës.

Në këtë deklaratë, z.Roshi ndër të tjera tha:

“Partia e Ballit Kombëtar Demokrat në zgjedhjet për kryetar Bashkie në qarkun e Dibrës do të mbështes kandidatin e Koalicionit Opozitar, jo thjesht si pjesë e këtij blloku politik, por kemi bindjen se z.Sherefedin Shehu është një figurë unifikuese, e dinjitetit,e urtesisë, e krenarisë dhe zotësisë Dibrane, njëkohësisht është dhe një personalitet i shquar i ekonomisë shqiptare.

Ne kemi besim se qytetarët e Dibrës do të jenë të parët për ti thënë z.Rama se ka thyer besimin e Shqiptarëve për një jetë më të mirë, për ti thënë z.Rama se bindjet politike nuk mund ti respektojmë më shumë se jetët tona, më shumë se të ardhmen e fëmijeve tanë.

Balli Kombëtar Demokrat vlerëson se në Dibër, morali do të fitojë mbi vesin, se arsyeja qytetare do të fitojë mbi emocionin politik, se Sherefedin Shehu do të fitojë mbi kandidatin e mazhorancës. “

Zyra e shtypit e PBKD-se