Deklaratë për shtyp e Kryetarit të Ballit Kombëtar Demokrat

29, Tet, 2016 | POLITIKA KOMBËTARE

“Partia Balli Kombëtar Demokrat vlerëson si korrekt dekorimin e Presidentit te Republikës bërë të rënëve nacionalist të Lushnjes, në raport me të vërtetën historike. Këtë dekorim mund ta quash të vonuar por jo të padrejtë, mund ta quash politik, por jo te pa drejte.

z.Rama është  “big brother” që e vëzhgon dhe inicion këtë reagim abstrakt ndaj këtij dekorimi, sepse ka kohë që ka filluar fushatën për 2017 dhe kur kredibiliteti i tij qeverises ka rënë, ngelesh në dorë te pensionistëve që bëjnë si veteran.

z.Rama nuk pranon se sistemi kapitalist në themel ka konkurrencën dhe që të vlejë ajo, duhet të njohësh vlerat e kundërshtarit në histori dhe në politikë.

Nëse z.Rama mendon se është i vetem në garë, ose ai jeton imagjinaten e tij, ose shqiptarët jetojnë diktaturen e tij!

Kryeministri duhet të jetë “uniteti social” i shqiptarëve, por sigurisht nuk mund të jetë i tillë kur ka tre vjet që nuk qeverisë dot por u ankohet shqiptarëve se ka shumë halle kur je kryeministër, ka disa muaj që bisedon per hallet e qytetarëve dhe sillet sikur është në opozitë, ndërsa dje në parlament ndaj njerëzve që janë sakrifikuar per idetë demokratike, lirine e vendit, prosperitetin e kombit, ”ballistet”, shprehu urrejtjen e tij nëpërmjet një humori të impostuar si një aktor i “Al Pazarit”.“

Artur Roshi