Bashkimi i shqiptarëve si kontribut për stabilitetin dhe paqen

30, Pri, 2016 | POLITIKA KOMBËTARE

Strugë, 29 Prill 2016 – Sekretariati për media i Partisë Balli Kombëtar Demokrat

Në takimin e djeshëm të kryetarit të Partisë Balli Kombëtar Demokrat, z. Artur Roshi, dhe kryetarit të Lëvizjes për Reforma në PDSH, z. Zijadin Sela, u diskutuan çështjet që preokupojnë shqiptarët e Maqedonisë, të Kosovës dhe Shqipërisë. Duke e vlerësuar lart orientimin e të gjithë shqiptarëve për bashkim të mirëfilltë kombëtar rreth vlerave që ofron demokracia dhe integrimi euro-atlantik, z. Roshi dhe z. Sela rikonfirmuan detyrimin ndaj nevojës për thellimin e bashkpunimit profesional mes subjekteve shqiptare.