BALLI KOMBËTAR DEMOKRAT I DËNON PAMËSHIRË DHE I CILËSON SI VEPRA ANTISHQIPTARE AKTET TERRORISTE

23, Dhj, 2016 | POLITIKA KOMBËTARE

DEKLARATË PËR OPINIONIN PUBLIK

Duke shprehur refuzimin tonë të thellë për nxitësit e urrejtjes fetare dhe mbështetësit verbal të terrorit islamik. Duke e gjykuar si vepër antikombëtare pjesmarrjen e shqiptarëve në luftëra të pakuptimta sektare anekënd botës. Duke i konsideruar si vepra të tradhtisë së lartë kombëtare planifikimin e akteve terroriste në vendet mike të kombit shqiptar, Balli Kombëtar Demokrat, i fton të gjithë shqiptarët jashtë atdheut të distancohen nga secili apo secila shqipfolëse që rrezikon sigurinë e vendeve mikpritëse.

Këta shqipfolës trushpërlarë, duke nxitur urrejtjen fetare apo duke yshtur rininë tonë të marrë rrugën e gabuar, për interesa të armiqve të vendit tonë, po e dëmtojnë rëndë interesin tonë nacional. Është koha e fundit që të gjithë shqiptarët në mërgatë të reagojnë njëzëri dhe të distancohen nga aktet e tradhtisë kombëtare.

ZYRA PËR SHTYP
BALLI KOMBËTAR DEMOKRAT