“ARISTOKRACIA” E ISH TË PERSEKUTUARËVE POLITIKE, SHËRBËTORE E SOROSIT

Shkruan: Xhafer Sadiku

Një ndër filmat më të “suksesshëm” të periudhës së diktaturës ishte “Operacioni zjarri”. Personazhi kryesor, “Furtuna”, një i ri nga një familje antikomuniste ishte vënë në shërbim të sigurimit për të eliminuar kundërshtarët e regjimit komunist, përfshirë këtu edhe të afërmit e tij. “Furtuna” nuk gëzonte besimin e bashkëfshatarëve, madje as te afërmve të tij që kishin dalë në male, por kombinacioni operativo-agjenturor i sigurimit ishte i tillë që nuk linte shteg per dyshim.
Sipas misionit të ngarkuar nga sigurimi, ai futi në kurth disa nga miqtë e familjes, të cilët u vranë, për ta vrarë edhe atë vet.

Propaganda komuniste e ktheu “Furtunën”në mit të sigurimit, për të terrorizuar “armiqtë e klasës”. – “Tani ka ardhur koha që ta vrasim armikun me duart e tija”, -theksonte asokohe ministri i Punëve të Brendshme. Të tjerë “furtuna”u infiltruan nëpër grupe të tjera të rezistencës dhe në fise të mëdha, për t’i goditur dhe mbajtur nën kontroll personat me integritet. Është e tepërt të flasim për pasojat: ato ishin tragjike.

Ata që i mbajnë mend ndryshimet e viteve 1990, do tu kujtohet se njerëzit e thjeshtë në përgjithsi, shpresonin tek ish të burgosurit dhe të persekutuarit. Sa here bëheshin votime brenda strukturave të PD dhe propozime për deputetë apo drejtues të pushtetit lokal, ish të persekutuarit gëzonin besimin e votuesve. Statistikat janë treguesi më i mirë.

Pas një periudhe të shkurtër, ish të burgosurit e të persekutuarit politikë nga ish klasat e përmbysura e humbën gradualisht mbështetjen. Me ndihmën e medias, e tëra e majtë, në skenën politike dolën persona anonimë, “furtunat” dhe kaçakët, disa ish të burgosur me orgjinë nga klanet më ekstreme komuniste, të cilat bashkuan kontributet dhe armët me të majtën dhe më 1997 i vunë zjarrin Shqipërisë. Ishin “furtunat” që u dhanë goditjen fatale ish të persekutuarve politikë nga klasat e përmbysura, që punuan në strukturat e shtetit.

Sot, 25 vjet nga rënia e regjimit komunist, një pakicë fare e vogël nga radhët e ish të persekutuarëve politikë, kanë përfituar nga të gjitha qeveritë. Ata kanë krijuar “aristokracinë” e ish të persekutuarëve, madje janë ata që i “përfaqësojnë” në pushtet e në opozitë, në strukturat e shtetit apo në media. Duke shkelur mbi fatet e qindra mijëra të vuajturve.

Për të privilegjuar dhe mbrojtur ata, mafia sorosiane që në fakt janë segmente të sigurimit të shtetit, ka sakrifikuar dhe po sakrifikon njerëz të ndershëm. Kombinacionet janë më të sofistikuara se në rastin “Furtuna”, por qëllimi është i njëjtë: shkatërrimi i së djathtës dhe vënia e Shqipërisë nën pushtetin e oligarkisë financiare, thënë ndryshe: mafies sorosiane. Pasi padronet te realizojne objektivin, disa prej tyre do te kene fatin e “Furtunes” por kete here opinioni publik e ka fare te qarte se ata i vret padroni, sic beri me “Furtunen”.