28 Nanduer 1913

AT GJERGJ FISHTA

Oj Zanë, t’këndojm, t’vajtojm, deshta me thanë;
Pse sot ditë kangët s’asht për mue e tye.
Po ç’gzim kjo ditë ne mundet me na dhanë,
Kur, qe; mbas nji motmoti q’iu pëlqye Europës,
shqiptarin zot n’shpi t’vet me lanë

E kujt pos Hyut, n’këtë jetë mos me i shërbye,
Shqiptari i ndam’ prap me vedvedi gjindet,
E shk’asht ma zi, prej vedit edhe s’bindet…
Flamuri kombtar nuk ka ç’ka ban nder ne,

Po kje se, dashtni nuk kem’ për Atdhe!

E, drue, dashtni për Atdhe nuk ka shqiptari;
Me gjasë, s’çan krye shqiptari për komb t’vet,
As për at gjuhë të ambël qi i la i Pari,
As pse Shqipnia n’vedi u ba sot shtet;

Pse e shoh se veç atje ku xhixhllon ari
Pa frymë e tue dihatë vrap ai nget,
Si Krishtin shiti Juda Iskarjot,
Drue Adheu ndër ne po shitet për një zallotë… 

A thue mos fola keq?… Po lypi t’falun,
Përse ktu vetë me fye nuk due kërkëndin,
E pse asht mirë fjalën n’zemër t’fryt m’e ndalue,
Por ai, qi të liruem me e pasë s’don vendin,
A prej se tjerëve s’don me ia lshue rendin
A thue ai s’asht Judë? Po, kambë e krye Iskariota!

E pra, kso nipash ka edhe shum Kastriota…
E po, për ata qi detyrë e nder harrue,
Qi marre e turp kaherë flakërue mbas shpinet,
M’visar t’Atdheut me t’huej shkojn tue tregue
Kush ndyhet mbas Frankut rrejtë, kush mbas stërlinet
Kush pse dinari tepër i ash lakmue.
E Atdheun’ prej t’huejsh me e qitun duen bashtinët,
Thue edhe për ta ndokuj do t’i vijë çuda,
Kur them se nuk janë tjetër veçse Juda?…
Po, Juda janë e gjinde janë tradhtarë.

Mori
M’kamë kryekungujt prej si u vunë,
Duel padija n’krye të vendit;
Njerzt e kënuen u poshtnuen,
Metën t’urtit jashtë kuvendit.

Duel me faqe t’bardhë trathtari,
Shpirt e fis qi ka kuletën;
U ndëshkue pa dhimë Shqyptari,
Qi për fis nep gjan e jetën.

Shqynis zani atbotë i humi,
T’huejt mi qafë ia vunë themrën,
E, e mloj skami, terri e gjumi,
Djelmt e vet ia lnurën zemrën.

E Shqyptarët jo veç s’e nisen
Për kto punë përjashta Momin.
Por ma fort, medje, e konisen.
Msue gjithmonë me ndërrue llomin…

E njikshtu, qitash, njaj i cilli
S’e le mrendë e detit vala,
S’e le ferri, toka e qilli,
N’ Shqypni majet porsi njala.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *