OPINIONE

RETË E ZEZA MBI BALLKAN

SHKRUAN: ADRIATIK RIZA DOSTI
Rreziku Rus, Naiviteti Amerikan dhe Qorrsokaku i BE…

Ka kohe qe ne Rajonin Ballkanik te etiketuar jo me kot si Fuçi Baroti daraviten rete e zeza, qe paralajmerojne nje shterngate te permasave te pa imagjinueshme.

Perballe rritjes se interesave politiko – gjeografike e strategjiko – ushtarake por edhe ekonomiko – financiare te Ariut polar te Moskes qendron tashme prej tre vjetesh pasiiviteti, inaktiviteti, naiviteti e driteshkurtesia e politikes se jashteme amerikane te administrates se Obames per Rajonin Ballkanik.

Duke i njohur te gjitha keto lloj dobesish, Rusia agresive dhe ekspansioniste e Putinit ka shfrytezuar e po shfrytezon gjithçka ka mundur duke depertuar gjithnje e me shume ne problematiken e mprehte shumeplaneshe te rajonit, si dhe ne ceshtjet e vjetra e te reja historike e te pa zgjidhura te vete vendeve anetare e fqinje mes njeri tjetrit ne Ballkanin e trazuar.

Deshtimi i politikes se jashteme te Obames sidomos ne kete 4 vjecarin e dyte te qeverisjes se tij ne nje sere çeshtjesh te mprehta nderkombetare i ka bere ruset te jene teper aktive per te mbuluar vakuumin e pa aftesise amerikane, por edhe te BE.

Pranvera Arabe u doli amerikaneve bllof, ngjarjet ne Libi, Irak, Afganistan e sidomos ne Siri i nxoren zbuluar me shume se kurre…

E njejta gje mund te thuhet edhe per acarimin e koheve te fundit me njeren prej aleateve te saja me besnike ne rajon, Turqine! Çeshtja Gylen, nga mike, e ka kthyer tashme SHBA ne armike te Qeverise se Sulltanatit Erdogan.

Nga ana tjeter vete Turqia, nga armike e Rusise se Putinit, vetem pak muaj me pare, pas rrezimit te nje avioni luftarak rus ne kufirin siriano – turk, tashme eshte kthyer çuditerisht ne mike per koke e Kremlinit…

Marredheniet USA + NATO – Rusi jane acaruar si kurre me pare sa qe te dyja vendet nuk lene rast pa i treguar njeri tjetrit frikshem muskujt ushtarake. Duke shfrytezuar situaten aktuale ne disa vende te Rajonit, Rusia e dipllomacia e saj politiko – ushtarake eshte treguar teper aktive por edhe e vemendeshme per te qene ”prane ne dite te veshtira” si per Serbine mike besnike te saj por edhe per Greqine, Bullgarine e deri edhe ne “keshillat” qe ju jep ne forme ndihmash, Maqedonise e Malit te Zi.

Dhe çuditerisht perballe ketij integrimi gjithnje e ne rritje te ruseve ne Ballkan, amerikanet qendrojne teper pasive e ndjekin ne heshtje e me naivitet gjithcka.

Me keq akoma BE, e cila veç mosmareveshjeve te shumta qe ka brenda vetes, e sidomos pas daljes se Anglise prej saj, me politiken e ndjekur ndaj Bakllkanit me shume i ka hedhur benzine zjarrit se sa eshte perpjekur ta shuaje ate.

Vizita e fundit e befasishme e Shefit amerikan te CIA ne Tirane eshte percjelle me komente e hamendesi te shumta si ne Moske e Washington por po aq edhe ne Beograd e Athine.

Natyrisht pa buje ne qarqet politiko – dipllomatike e ato strategjiko – ushtarake nuk kane kaluar edhe vizitat e çuditeshme te Tsiprasit ne Moske, ato te “rendomta” te Nikoliçit e Vuçiçit ne Kremlin, te Kryeministrit eksentrik shqiptar Rama ne Beograd, pritjet e percjelljet e Putinit e Lavrovit por edhe Ministrit rus te mbrojtjes sa ne kryeqytetin grek e serb po aq edhe ne ate bullgar etj. etj., e perballe tyre retorika e rendomte amerikano – europiane, se ciles tashme nuk po i beson askush…

Nenshkrimi i mareveshjeve, ekonomike e ushtarake, me se shumti te fshehta te Kremlinit me Athinen, Beogradin, Shkupin, Podgoricen, Ankarane e Sofjen, kohet e fundit duhej ti kishin lene pa gjume amerikanet e duhej ti kishin bere te kercenin perpjete unionistet europiane, por fatkeqesisht, serish heshtje varri…

E me sa duket si amerikanet po ashtu edhe europianet qe po bejne nje sy qorr e nje vesh shurdh, do t’ ja degjojne mire zhurmen daulles ruse, por kam frike se atehere do te jete teper vone per ta pushuar ate…

Jo me kot bullgaret ferkojne e shterngojne duart e ruseve, tek shpresojne ashtu si greket ne nje ndarje te Maqedonise, prej se ciles do te perfitonin jo pak e ndaj se ciles kane kohe qe kane pretendime territoriale.

Me te njejten enderr ruse, flene edhe serbet te cilet shpresojne qe Putini t’ju ktheje serisht Kosoven me te njejten forme sikurse ai vete beri me Krimene.

Ne Bosnje ruso – sllavet jane disi me te qete, sepse jo vetem qe kane brenda “Kalin e tyre te Trojes” Republika Srpska, por çdo gje qe bejne e justifikojne me gjoja faktin per luften kunder terrorizmit, ISSI-t, rrezikut ekstremist islamik etj. etj..

Ne kete kuader, kur fobia e urrejtja ndaj shqiptareve, boshnjakeve e kroateve ne rajon eshte rritur se tepermi, nen dirigjimin rus, eshte krijuar edhe Unioni Ortodoks, si baraz peshe e rrezikut mysliman ne rajon, Union ky qe drejtohet sot per sot nga Kisha shoviniste serbe dhe ajo revanshiste greke.

Ne Bullgari zgjedhjet parlamentare e presidenciale fitohen nga forcat e kandidati Pro – Rus.

Ne Rumani, ku amerikanet kane bazat e tyre ushtarake pas shpernguljes nga Turqia, analistet theksojne se asgje nuk ka bese, pasi rumunet per para shesin nene e babe e jo me amerikanet e unionistet europiane.

Ben pershtypje te madhe fakti se si ka mundesi qe nuk reagojne fare as USA, as BE e as NATO rreth asaj qe 7 nga 12 vendet ballkanike jane anetare te NATO dhe 5 prej tyre anetare te BE, e te gjitha kane marredhenie publike e te fshehta politike e ushtarake me Mosken!

Ankaraja sapo ka rinovuar marreveshjen ushtarake miliona dollareshe me Kremlinin, Sofja gjithashtu, Serbia jo vetem qe po armatoset deri ne dhembe prej Moskes, por po nderton nje nga bazat ushtarake me te frikeshme ne Europe ne Luginen e Presheves po me ndihmen e ruseve, e Greqia merr kredi te fuqishme ruse e garanci te tilla qe e bejne ate te jete teper e lekundur ne qendrimet e saja ndaj Aleances ku ben pjese por edhe ndaj vete BE.

Ne Maqedoni eshte rritur urrejtja ndaj shqiptareve dhe popujve te tjere jo ortodoks qe jetojne ne kete treve…

E natyrisht vizitat e shpeshta te diplomateve ruse e ushtarakeve te larte te Kremlinit ne kete vend, ende nuk po munden dot ti zgjojne nga gjumi amerikanet e as europianet syleshe te BE…

Ne Podgorice sapo u zbulua komploti per vrasjen e kryeministrit Gjukanoviç i cili aspiron ta çoje vendin e tij drejt BE e NATOS, ç’ka ruso – sllavet nuk po lene gur pa i vene nen rrota, e madje ishin ata kreret e ketij komploti!

Sllovenia edhe pse ben pjese ne te dyja paktet euro – atllantike, me vendimet e qemndrimet e saj duket sheshit se eshte gati ne çdo moment ti bashkohet me pare Beogradit se sa te qendrojne nen çadren e Brukselit!

I vetmi vend serioz e korrekt ne politiken e tij te jashteme e ne mbrojtje te intresave te veta kombetare, si dhe nje lloj faktori paqeje e sigurie ne rajon duhet konsideruar Kroacia.

Turqia ka prishur shume ballanca ne Ballkan, e nderkohe Tirana zyrtare aty tek flirton me Erdoganin, aty gjen edhe rastin te acarohet me Greqine e po kaq jeton periudhen e mjaltit ne nje menyre krejt te çuditeshme me Serbine, armiken e perjeteshme te çeshtjes se saj te dhimbeshme kombetare te neperkembur dekada me pare, e ku si pasoje e saj sot ne rajon artificialisht kemi dy shtete shqiptare dhe nje komb popullsia e te cilit jeton ne 5 shtete te Ballkanit!

E ndersa Nikoliçi deklaron me arrogance se Serbia do te antaresohet ne BE perpara te tjereve qe presin radhen, nuk harron te shtoje se, do ta beje kete duke mos e njohur kurre Kosoven si shtet te pavarur.

Kush do te guxonte te mbante kete lloj qendrimi e te sfidonte kaq hapur Ameriken e BE, nese nuk do te kishte mbrapa sigurine e garancine e Moskes? Si te kishte ne kufijte e saj fqinje te tille si Suedia, Finlanda, Danimarka, e Norvegjia, Shqiperia e genjyer nga entuziasmi i hyrjes ne NATO e beri shkrumb e hi ushtine e arsenalin e saj ushtarak, pavaresisht faktit qe ishte i vjeteruar e jo bashkekohor!

Gjithçka u shit per pese pare e u kthye ne skrap ne furrenaltat malazeze, maqedone, serbe, greke e bullgare.
Dhe sot Shqiperia, anetare e NATO, nuk ka nje avion luftarak te mbroje hapsiren e saj qiellore, nuk ka nje nendetese a fregate luftarake te patrulloje siperfaqen e saj detare, nuk ka nje tank per te qene, etj., dhe per ti vene “tortes – qershine” e kesaj embelsire me kripe, del Ministria e Mbrojtjes Kodheli e deklaron se Italia do ta paise ushtrine shqiptare me 5 mije pushke te standarteve te NATO si dhe Amerika do dergoje se shpejti disa mjete motorike, e kesisoj Shqiperia do te behet vendi i pare nga vendet e ish – lindjes qe do ti thote bye – bye, Kallashnikovit te vjeteruar.

Hajde llogjike per mbrojtjen e vendit hajde, dhe behet fjale per nje vend anetar te aleances qe vete aleanca jo pa qellim duket se e ka lene te zbuluar e te pa armatosur si kurre me pare ne historine e tij, dhe vete po kjo aleance ben sehir tek degjon pordhet e kercenimet e ministrit grek te mbrojtjes ne adrese te fqinjit te vet, Shqiperise…

Pra dy anetare te NATO – s ndezin flaket e luftes (kuptohet jo per faj te Shqiperise) dhe euro – atllantikasit shohin estrade.
Perçmimi e racizmi rritet tek mendon qorrsokakun e politikes se jashteme europiane. Acarimi i tejzgjatur i saj me Turqine, qe i çoi turqit ne krahet e ruseve, moslejimi i qytetareve te Kosoves e te Bosnjes te levizin te lire ne kontinentin e tyre, uljen e kokes perpara shkeljeve te vazhdueshme te Beogradit ne mareveshjet me Kosoven ne Strasburg e Bruksel, racizmin ne rritje ne Greqi ndaj te huajve e veçmas ndaj shqiptareve e myslimaneve por edhe te njerezve me ngjyre, fobia maqedonase qe ka pas Beogradin etj. etj..

Ok , Kosoven e çlirove, e shpalle shtet me vete, por pse po e le ne mes kater rrugeve e pse nuk po e ndihmon te ingranohet ne organizmat nderkombetare por po vazhdon te pranosh, dktatin e injorimin ruso – sllav per çeshtjen e saj qe perbuzshem po krahasohet me çeshtjen e Ukraines e Krimese, tashme te pushtuar me force nga ruset agresore te Putinit?!

Duke e ditur se kombi shqiptar eshte me filo – amerikani ne rajon e me anti sllavi gjithashtu pasi ka vuajtur jo pak historikisht ndaj tyre, amerikanet duhet te ishin teper sensitive ne kete drejtim e duhet te krijonin ne Tirane e Prishtine bazen e tyre me te fuqishme politiko – strategjike, duke perfshire ketu edhe perfshirjen e menjehereshme te Kosoves ne NATO…

Fatkeqesisht, dobesine e tyre pro amerikaneve keta te fundit kerkuan ta shfrytezojne vetem per qellimet e tyre e per te hequr disa lloje ferrash nga kembet e tyre si, dergimi per strehim i disa te burgosurve te Guantanamos, dergimi i armiqve te Teheranit ne Tirane, Muxhahidineve te rrezikshem e te pa parashikuar, dergimi i mbetjeve te rrezikeshme kimike te kriminelit sirian Asad, etj. etj..

Ne anen tjeter jo per gjithçka fajin na i kane amerikanet e europianet…
Rasti e mundesia per Çeshtjen tone kombetare na u dha disa here gjate ketyre 5 viteve te fundit.
Por politika jone e mbrapshte, antikombetare e antishqiptare kurre nuk pati kurajon mençurine, zgjuarsine e burrerine ti dilte zot Kosoves e bashkimit te saj me trojet amtare, kurre nuk e ngriti me force Çeshtjen Çame, por u zbyth kush sa here perpara Greqise…

Dhe nuk mund te ndodhte ndryshe kur mendon se dje furnizonim Millosheviçin me nafte e arme per te lare me gjak Kosoven e kosovaret, dje e sot kemi ne mes tone Janullatosin qe e mbushi Shqiperine me Kisha greke e tani po kerkon edhe varre grekerish ne mbare jugun e vendit, kur ne Parlament e leme te llape sa e si i do qejfi, vorio – epiriotin e terbuar Dule, kur keshilltar personal te Kryeministrit kemi nje spiun serb e keshilltar te Ministrit te jashtem diletant, aventurier e aguridhe Bushati, kemi nje ushtar e qytetar grek…

Si serbeve, grekeve, maqedoneve e malazezeve u duhej vene prej kohesh kufiri tek thana, e kjo duhej te ndodhte menjehere pas shpalljes se Kosoves si shtet i pavarur e pas mareveshjes se Ohrit, por edhe pas sensinbilizimit mese njehere te çeshtjes se genocidit grek mbi Çamerine…

Por Tirana qe eshte ne NATO e po kembengul te antaresohet edhe ne BE, ne vend te afrimit me euro – atllantiket, vete e flirton me Erdoganin, e puthet me Vuçiçin, ndersa Prishtina i fal troje Malit te Zi e shqiptaret e Shkupit e Tetoves behen aleate me Gruevskin e Zaevin, kunder shqiptareve vetem e vetem per nje post te ndyre ne qeverine e Fyromit…

Kembengulja e Serbise per te dale ne Adriatik, ç’ka po ndihmohet e perkrahet pa pike vizioni politik e strategjik nga pa pergjegjshmeria e Rames, ka prapa nje skenar te hershem, te detajuar mire e djallezor te Rusise per te dale ne Mesdheun e humbur prej saj politikisht, ushtarakisht por edhe ekonomikisht.

Mitrovica po ndahet me nje tjeter Mur Berlini, Tirana Rilindase po shijon frytet e vizitave skandaloze te Rames “vizionar” ne Beograd tek ndertuesi i ketij turpi ne mes te Europes, Vuçiçi!

Nderkohe serish Amerika e BE vazhdojne te flene mbi pasivitetin e naivitetin e tyre te cilit do ja shohin sherrin e madh shume shpejt, pikerisht atehere kur çizmja ruse te kete hyre ne Ballkan per te mos u shkulur dot me qe andej, pa gjakderdhjen e popujve te ketij rajoni.

Shtete te Ballkanit, vende anetare te NATOS e te BE dhe serish Rusia ja doli ti beje per vete!!!

As kjo duket se nuk po i shqeteson sa e si duhet, as amerikanet e Washingtonit e as BE- istet e Brukselit.

E pra neser do te jete vone, shume vone, pasi rete e zeza te sotme do te jene shnderruar ne furtune e shterngate, prej te cilave zor se dikush ( per te mos thene te gjithe ) do te dalin pa lagur.

Lus Zotin, qe deri atehere, shqiptaret te pakten per here te pare ne historine e tyre e perballe rrezikut qe ju kanoset, si Komb e si Popull,te jene te bashkuar e jo te perçare siç jane sot.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *