POLITIKA KOMBËTARE

Deklaratë për shtyp e Ballit Kombëtar Demokrat

Zyra për Shtyp e PBKD

Partia e Ballit Kombëtar Demokrat përshëndet miratimin e reformës në drejtësi, e vlerëson atë si një hap thelbësor për standardet e një demokracie Europiane dhe si një kod moral të së drejtës në Shqipëri.

Miratimi i kësaj reforme bëri të dukshme mbështetjen e palëkundur të SHBA dhe BE për vendin tonë drejt integrimit të qytetërimit perëndimor.

Nga ana tjetër u duk qartë se ende politika shqiptare nuk është shkëputur nga mëndësia lindore se pushteti është NJE dhe i centralizuar, megjithatë votimi me 100% të votave tregoi se nuk ka forcë morali të kundërshtojë ecjen në rrugën e vetme drejt zhvillimit euro-atlantik. 

PBKD vëren se Realiteti falso se bëjmë demokraci pa ndryshuar asgjë esenciale por vetëm në formë nga metodat e së djeshmes, është drejt fundit sepse gënjeshtra me të vërtetën nuk ngatërrohen më nga shqiptarët.

Ne vlerësojmë se një sistem drejtësie pa qenë i lirë nuk mund të funksionojë në bilanc me të vërtetën dhe kjo reformë ishte një “zog” që i iku nga dora drejt qiellit të lirë politikës shqiptare falë ndihmës ndërkombëtare.

PBKD mendon se politika shqiptare duhet të ndërgjegjësohet se sfida e tyre sot e tutje është “drejtimi në liri” e shqiptarëve dhe jo “drejtimi si dhunti” e politikanëve.

PBKD falënderon Deparamentin e shtetit Amerikan për vëmëndjen ndaj shqitarëve dhe ambasadorin e tij z.Donald Lu për përkushtimin e tij ndaj shpërndarjes së lirisë në vendin tonë, falënderon Bashkimin Europian dhe ambasadoren Vlahutin për angazhimin e tyre ndaj implementinit të parimeve të drejtësisë në vendin tonë, falënderon për aq sa i takon politikën shqiptare që më në fund dhuroi një shije të re për shqiptarët atë të bashkpunimit në interes të Shqiptarëve.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *