OPINIONE

BASHKIMI KOMBETAR, SHTETI UNITAR DHE VIZIONI EUROATLANTIK

Shkruan: Arber Gashi, Sekretar i Pergjithshem i Keshillit Koordinator te Ballit per Shqiperine etnike

Keshilli Koordinator i Ballit Kombëtar Demokrat, duke vleresuar se bashkimi kombetar i shqiptareve eshte i pashmangshem dhe se per bashkimin e trojeve eshte derdhur gjak neper shekuj te tere, prej kohes se ilireve e deri ne ditet tona. Qellim i vetem i lufterave per bashkim kombetar ka qene gjithmone ruajtja e kultures, identitetit, çenjes etnike dhe shtetformimi ne trojet autoktone. Ne ditet tona, politika aktuale synon te joshe dhe mashtroj elektoratin me fjalet bashkim kombetar brenda strukturave konfederale te BE-se.

Bashkimi kombetar nuk do pallavra!

Shumica e politikaneve dhe opinionistëve nuk e kane as idene se ne ç’fare forme dhe sistemi do te behej bashkimi! Ne anen tjeter, disa analiste dhe intelektuale vendor, ne mendimet e tyre te shprehura publikisht me shume ju sherbejne shkizmave, mohimit dhe trullosjes se masave te gjera popullore, se sa vet idese së bashkimit kombetar.

Ka nje te vertete qe nuk mund ta mohoje askush. Pra, te mos jemi perkrahes te ideologjise per bashkim kombetar ne shekullin XXI, kjo d.m.th., se ne jemi dorezuar plotesisht para sfides dhe veprojme ne perputhshmeri te plote me qellimet e armikut shekullor, i cili ka synuar dhe synon te realizoje planprogramet shfarosese te çenjes shqiptare, te frymes kombetare shqiptare, te zhdukjes se shtetit shqiptar dhe identitetit te tij, ashtu siç e paten ne programet e tyre idete pansllaviste, greke dhe ato otomane. Prandaj, ne besojme se bashkimi kombetar kerkon vetebesim, vetedijesim, angazhim, planprograme dhe projekte konkrete, te gatshme per akcion e realizim. Balli Kombetar Demokrat angazhohet per nje SHTET UNITAR SHQIPTAR.

Alternativat tjera, si p.sh. konfederata dhe federata nuk i kenaqin nevojat, kerkesat, interesat dhe vlerat kombetare ne kuptimin dhe esencen e vertete. Opinioni shqiptar duhet ta kete parasysh, se zgjidhjet e mundshme konfederale dhe federale nuk e bashkojne kombin ne kuptimin e vertete te fjales bashkim kombetar. Shteti UNITAR shqiptar, Shqiperia etnike, me nje sistem te kombinuar parlamentar e presidencial, nje demokraci te zhvilluar dhe standarde te pranuara nderkombetare, shtet i cili qendron mbi parime dhe vlera te botes se lirë eshte synim legjitim dhe zgjidhja me e mire per shqiptaret, komunitetet qe jetojne ne token shqiptare dhe per paqen e sigurine rajonale. Po e theksoj edhe kete, sidomos per ata qe se kane ditur dhe zakonisht flasin e shkruajne pa i konsultuar faktet, se per bashkim kombetar referendumi nuk eshte aq i rendesishem sa qe eshte forma e shtetit unitar, ç’fare sistemi do te kete shteti dhe ku do te jete kryeqyteti? Keto çeshtje duhet te kene konsensus nacional qe ende nuk e kemi. Eshte per tu habitur dhe legjitime te shtrohet pyetja, se ku jane idete dhe projektet e intelektualeve tane, qe ne parim duhet te jene ne sherbim te politikes dhe kombit pergjithsisht?! Ku jane projektet e institucioneve tona? Pse kaq shume zvarritje?!

Per Keshillin Koordinator te Ballit Kombetar Demokrat, bashkimi kombetar eshte qellim madhor e fisnik dhe nuk e ka synim shfryrjen e epsheve nacionale apo grumbullimin e njerzve te pa perspektive ne nje shtet te drejtuar prej diktatoresh. Domethenja dhe esenca e bashkimit kombetar ngerthen vlera dhe dimensione me te gjera, siç eshte p.sh. tregu i perbashket, i cili mundeson shkembime kualitative brenda organizimit te ekonomise kombetare dhe i cili, si force bazike e ekonomise, mundeson fuqizimin e shtetit dhe sherbimeve qe ofron shteti. Tregu i perbashket shqiptar siguron mireqenjen e qytetareve dhe ndikon dukshem ne rritjen graduale te sigurise se vendit. Si i tille, tregu i perbashket shqiptar eshte kontribut per paqen ne rajon e me gjere.

Keshilli Koordinator i Ballit Kombetar Demokrat vlereson te gjithe shqiptaret, kapacitetet dhe kontributin e tyre intelektual, humanitar dhe politik; atribute keto qe i kane dhene vlera te medha perandorive, shteteve, koherave dhe fushave te ndryshme te dijes. Meqenese kapacitetet tona kombetare ne shekullin XXI jane reduktuar tej mase dhe ato nuk mjaftojne te mbajme gjalle dy-tri shtete siç po bejme tani, ne mendojme se, bashkimi kombetar dhe shteti unitar i shqiptareve imponohet vetvetiu edhe si nevoje racionale. Nje administrate shteterore, nje ekonomi kombetare, nje ushtri dhe nje politike te jashtme eshte me e lehte per tu menaxhuar dhe me pak e kushtueshme se sa zgjidhjet qe kemi tani. Shqiptaret do te ishin shume me te fuqishem dhe efikas; si ne sferen politike, ekonomike, juridike, shkencore, kulturore, shendetesore, arsimore, sportive etj.

Për arsyet e sipercekura, Keshilli Koordinator i Ballit Kombëtar Demokrat inicoi themelimin e subjekteve simotra në Kosovë dhe Iliride, sepse ne vleresojme se bashkpunimi dhe bashkimi kombetar i shqiptareve ofron mundesi me te medha per te gjithe qytetaret e vendit. Dinjiteti i qytetareve, perspektiva e perbashket euroatlantike, mireqenja e tyre dhe siguria qe ju ka munguar do te njihnin nje ndryshim pozitiv. Fuqizimi i shqiptareve ne nje shtet te perbashket do te hapte perspektive dhe do te mundesonte oferta serioze per te gjithe shqiptaret, brenda e jashte vendit.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *